سەن-قازاق

  Құпия сөзді қайтару
 Жаңадан Тіркелу -جاڭادان مۇشە بولۋ

QQ登录

只需一步,快速开始

Оқылды: 467|Жауап: 5

تاعى دا جاسان زەكەيۇلى [Сілтемені көшіру]

Капитал
-15
التىن تەڭگە
0
тақырып
10
Жауһар
0
Құқығы
0
كەسكىن
0
Торда болды
3 сағат
жазылған 2013-4-23 20:02:35 | Барлық қабатты көрсет
Атаққұмарлық адалдықпен сыйыспас
“Колледж түлегi өзiн “академик” санайды” атты М.Мыңжасарұлының мақаласына (29 наурыз) “Күншiлдiк – жазылмайтын дерт” деген тақырыппен (11 сәуiр) Ж.Зекейұлы қарсы мақала жазды. Екеуi де газетiмiзде жарияланды. Алғашқысында “Жас-Ай” медициналық орталығының басшысы Жасан Зекейұлының дәрiгерлiк бiлiмiне, медицина ғылымы саласындағы атақ-дәрежесiне қатысты күмән келтiрiлген едi. Сағидолла Әлиұлынан мақаладағы пiкiрлердiң дұрыстығын қуаттаған хат келдi. Соны және Ж.Зекейұлының өзi дәлел ретiнде ұсынған қытай қарпiндегi құжаттарды редакция өтiнiшi бойынша сарапқа салып, қазақшалаған Ибраһим Қошқаридiң – Қытайда кәсiпқой тiлгер (лингвист) болып 24 жыл жұмыс iстеген маманның түсiнiктемесiн қоса жариялауды жөн көрдiк.
“Жас Алаш” газетiндегi (№24, 29 наурыз) Жасан Зекейұлы туралы мақаланы оқыдық. Оқып отырып қынжылдық. Неге дейсiз ғой, мынау адамдары адалдықтан, тiптi ар-ұяттан арылып бара жатқан заманаға, Абай атамыз айтқандай сол замананың “илейтiнiн” бiлмей “билеп” жүрген, пайда қуып, пайданың керегi үшiн атақ қуып кеткен, адасып жүрген бауырларымызға жанымыз ашыды, бұндай iндет-тiң жайыла беруiнен алаңдап, тiптi ұрпағымыздың қамын жеп қамырықты көңiл-күй кештiк.
“Жә” деп бiр қоялық. Ендi не болса да болар iс болды, “сен не дейсiңге”келелiк.
Жасан туралы мақала, “әкең өлсе де естiртедi” демекшi, ащы болса да шындықты жазыпты, дәлел-айғақтары талас тудырмайды. Жасан бауырымыз оқып бiтiрдiм деп отырған “ҚХР СУАР медицина универси¬тетi” (шындығында бұл оқу орны бұлай аталмайды, оның аты – Шинжяң медицина университетi) мен Iле медицина техникумы екеуi екi басқа дүние, шатастыруға келмейтiн екi бөлек ұғым. Шинжяң медицина университетi – Батыс-солтүстiк қытайдағы 5 өлке арасындағы ең көлемдi, ең жоғары медициналық оқу орны, ол жалпы медицинаның әр саласы бойынша маман даярлайды, дәрежесi де, бiлiм беру сапасы да жоғары. Ал Iле медициналық техникумының көздейтiнi – медицинаның әр саласына фельдшер жә¬не акушер тәрбиелеу. Кейiнiрек Қытайдың бiлiм беру саласында, өз оқу орнының беделiн көтеру үшiн осындай техникумдар iшiнен “да жуан бан”(яғни, “жоғары техникум сыныбы”) ашып, 1-2 қарар шәкiрт қабылдау үрдiске айналған. Десе де, ол бәрiбiр жоғары оқу орнын тәмамдаған толық курс студентi саналмайды. Иә, бұл оқу орнын тәмамдау, медицина ғылымы бойынша жоғары дәрежеге жету үшiн шынында төменi¬рек саты болмақ. Бiрақ бұдан бiтiргендер жоғары сатыға көтерiле алмайды деген мағына шықпауға керек. Көтерiлуiне болады, бiрақ, қысқа уақыт iшiнде жоғары сатыға көтерiлуге мүмкiндiк бермейдi. Ұзақ уақыт еңбектенудi, қайталай бiлiм ұштауды қажетсiнедi. Сол себептi Жасан бауырымыздың еңбек жолы туралы дәлелдерге жүгiнсек, ол Қытайдан тарихи отанымызға келерден бұрын “аурухана дәрiгерi”(яғни, жай врач) дәрежесiне ғана жеткен екен. Демек, ол медицина саласының жоғары сатысына көтерiлу үшiн әлi де жауапты дәрiгер, тете-аға дәрiгер дейтiн сатылардан өтiп, сосын аға дәрiгер дәрежесiне қол созуы керек. Ол үшiн әлi де 15-20 жылдың басын шалмай болмас едi. Мен көрген Қытайда басқа ғылым саласынан гөрi дәл осы медицина саласындағы ғылыми атақ беру өте қатаң ұсталған, гуманитарлық салада жүрген тұстастарымыз ең жоғары дәрежеге жетiп болғанда, медиктер олардан талай жыл кейiндеп барып әрең iлiнiп жатамыз. Бұның себебi, әрине, осы салаға жүктелген жауапкершiлiктiң ауырлығынан, адам денсаулығын, адам өмiрiн қорғап, қастерлеуден туындаған деп түсiнбегiмiз ләзiм.
Ал ендi “академик”жөнiне келсек, бiздiң қазақта “естiгенiм¬дi айтайын ба, көргенiмдi айтайын ба?” деп бастайтын жосын бар. Көбiнше, көрген – шын, естiген жаңылыс келедi. Бiз бәрiмiз Қытайдан келдiк қой. Сол себептi сөздi солардан басталық. Жалпы, Қытайда, академиктер – Қытай ғылым академиясының академигi, Қытай инженерия академиясының академиiгi деген екi-ақ түрлi болады. Халық саны миллиардтан неше 100 миллион асып отырған елде, олардың академиктерiнiң саны мыңнан әрең асып түседi екен (1997 жылы осы екi академияның академиктер саны 1095 адамды әрең құраған. Әрең құраған дейтiнiмiз осының iшiнде 46-сы академия сыртындағы академиктер екен). Бұл академиктер Қытай елiнде аса зор беделге ие, сондай-ақ, әлемдiк аренада да белгiлi орны бар адамдар. Қытайдың өздерiнiң сөз мәнерiмен айтсақ, олар ғылым-бiлiм саласында “Жердегi Тайшан тауындай, аспандағы Жетiқарақшы жұлдызындай” бағыт-бағдар сiлтеушi кемеңгер жандар санатына жатады. Қытайдың атом бомбасын, сутегi бомбасын жобалаған – солар, аспанға спутник ұшырған – солар, айға адам жiберген – солар, Қытайдың осы заман медицинасының iргетасын қалаған – солар… Демек академик деген де әркiм белiне байлай беретiн шоқпар емес.
Ал Қазақстанда жағдай қандай? Бiздiң бiлуiмiзше, Қазақстанда да Ұлттық ғылым академиясы бар. Онда да ғылымға елеулi еңбегi сiңген, тiптi әлем аясында да танымал болған академиктер жұмыс iстейдi екен. Тағы осы “Жас Алаштың” таяудағы санында ҰҒА-да академик сайлауы өткенiн, әрi оның барынша әдiл өткенiн, әрi танымал, ғылым саласына көп тер төккен ғалымдардың сайланғаны жазылыпты. Кiсi қуантарлық жағдай ғой мынау! Қазақтың ғылым-бiлiмi дамып отырса, маңдайымыздың жарқырағаны болмағанда не? Тек кiсi көңiлiн күптi қылатыны осы академиктердiң қатарына қайдағы “Халық емшiлiгi және Ғарышқуат мамандығы бойынша ХМжҒҚ академиясының академиiгi”, “Ресей шығармашылық академиясының академиiгi” деген жандайшап әрi түсiнiксiз академиктердiң қосамжарланып жүргенi. Ал бiр елдiң “академиясы” ендi бiр елдiң азаматына, тiптi өздерiнiң тiлiн бiлмесе де академик атағын бере салу үрдiске айналған ба, қалай? Жуырда “Қазақ әдебиетiнде” (№9 (3329) 1.03.2013) жарияланған ғалым Зардыхан Қинаятұлының сұхбатында осы тәрiздес бiр жайт сөз етiлген: “Моңғолияда екi адамды асырап отырған «Халықаралық Шыңғыс хан академиясы» деген аты бар да, заты жоқ ұйым бар. «Академик» атағын қолдан жасап, тапсырып жүрген солар. Қаражатына қатысты ма екен, өз елiнде бұл атақты алуға адамдар ынталы емес, қайсыбiреулер берсе де алмайды екен. Ал бiздiң Қазақстанның баққұмарлары ол атаққа дән риза көрiнедi” делiнген. “Жер астынан жiк шықты, екi құлағы тiк шықты” деген осы болар. Мұндай жағдай белең ала берсе, отандық ғылымда жүрген көшбасшыларымыздың беделiн қорғаудың өзi бiр әңгiме болып қаларын ескерiп, бiлiм және ғылым министрлiгi сияқты орындардың оны жiтi бақылауына алғаны жөн шығар.
Ал Жасан мырза жөнiнде мақалада көп рет ауызға алынған тағы бiр жайт менi таңғалдырып отыр. Жасан мырза жай врач кезiнде-ақ қазiргi заман медицинасын тибет медицинасымен ұштастырған көрiнедi, Қазақстанға келген соңғы бiрiне-бiрi жалғанған атақтарды еншiлегенде де белгiлi шамада осы “тибет медицинасына «қол артқан сыңайлы, тiптi Алматыда өзi ашқан клиниканың атын да “Жас Ай Шығыс-Тибет медициналық емдеу орталығы” деп атаған көрiнедi. Мен бiлетiн Қытайда мойындалған iргелi дәстүрлi медицина түрлерiнен Қытай дәс¬түрлi медицинасы, Ұйғыр дәстүрлi медицинасы (Ұйғыр тыбабетчiлiгi), Моңғол дәстүрлi медицинасы, Қазақ дәстүрлi медицинасы, Тибет дәстүрлi медицинасы сияқтылар бар. Iргелi деп атайтынымыз осы аталған халықтық дәстүрлi медициналардың барлығында өз ұлтының тiл-жазуымен атам заманнан үзiлмей келе жатқан медициналық iрi-iрi шығармалары бар, олар осы дәстүрлi медициналардың теориялық негiзiн құрап отыр. Оны өз тiл-жазуында меңгермей тұрып, “бiлдiм, игерiп алдым”деуге келмейдi. Қытай дәстүрлi медицинасының тiл-жазуы қазiргi қытай тiл-жазуы емес, ол ертезаман қытай тiл-жазуы, оны бiлген маман арнаулы мемлекеттiк емтиханнан өтiп, сертификат алады, оның өзi бiр шетел тiлiн меңгерумен теңестiрiледi. Ал тибет дәстүрлi медицинасы – қытай дәстүрлi медицинасынан кейiн ең қиын, тылсыматқа толы бiреуi, жазуы индi жазуымен туыстас, теориясы да индi медицинасымен және буддизм дiнiмен сабақтасып жатады. Дәрiлерiнiң шикiзаты Гималай тауының дәрiлiк өсiмдiктерi мен хайуанат мүшелерiн қолданудан тыс, көбiне-көп индi шөп дәрiлерiн қолданады, әрi жасаулы оқдәрi, құмалақ дәрi, таблетка түрiнде қолданысқа шығады. Мен көрген тибетше дәрiлердiң көбiне тибетше, ағылшынша және қытайша жазулармен түсiнiктеме берiлiптi.
Қытайдың жоғары-орта медициналық мектептерiнде ешқашан ұйғыр, қазақ, моңғол, тибет дәстүрлi медициналары сабақ ретiнде сөйленiп көрген емес. Тек қытай дәстүрлi медицинасынан ғана қосымша дәрiс оқылады. Арнаулы ашылған қытай дәстүрлi медицинасын оқытатын жоғары-орта медициналық оқу орындары да баршылық. Тибетте, iшкi Моңғолияда өз дәстүрлi медицинасын оқытатын оқу орындары да болуы мүмкiн. Сондықтан бiздiң қазақ жастары үшiн тибет медицинасын үйрену – солардың тiл-жазуын меңгерiп, арнаулы оқу арқылы ғана мүмкiн болмақ. Қазақтың қатардағы дәрiгерi үшiн егер қызығушылығы болса, өз халқымыздың, яғни қазақтың дәстүрлi медицинасын зерттеп, орайы келсе, қолдана жүру әлдеқайда ойға қонымды, болмысқа жақын, әрi тиiмдi, айтуға да нанымды болар едi.
Солай да солай, бiреу Қытайдың сонау Таң заманындағы классик ақыны Ли Байды қазаққа айналдырғысы келсе, ендi бiреуi баяғы өткен замандағы әлемге мәшһүр моңғол ханы – Шыңғыс ханды қазақтың әйгiлi бiр руынан шыққан деп көрсеткiсi келедi. Жалпы, осылардың бәрi не себептен туындап жатыр? Оның түпкi себебi адалдықтың әлсiреп, имандылықтың жоғалып кетуiнен шығар. Адамның ең қастерлi нәзiк, әрi сезiмтал мүшесi көз ғой. Оған болымсыз титiмдей ғана шаң-тозаң қонса да көтере алмайды, тазалап тастағанша жаныңа тыныштық бермесi анық. Ғылым да сондай, титтей де жалғандықты көтере алмайды, оған жайшылықта айтатын “Бәрi өтiрiк болса бiлiнiп қалар, жарты шынға жарты өтiрiктi қоса қойсаң, жымпиып кетедi” дейтiн тұрпайы ұстанымды жарата алмайсың. Ендi бiр айтпаса болмайтын жайт, бiз бәрiмiз бағымызға жарай тарихи отанымызға оралған жандармыз. Әрқайсымыз шамамыз келгенше ғана, қай бiреуiмiз қомақтырақ болса, ендi бiреуiмiз шамалы ғана қолдан келген үлесiмiздi қоса жатармыз. Бiрақ отандастарымызға қате ақпарат беруден, жалған сөйлеп “аңқау елге арамза молда болудан ”сақтануымыз керек, қайта көзқарақты жандар қол ұстаса жүрiп қарыс жерге өтiрiк айтып жүргендердiң жолын кескенiмiз абзал.
Сағидолла ӘЛИҰЛЫ, еларалық “КӨРШI” журналының жауапты редакторы, Шинжяң медицина университетiнiң түлегi, бұрынғы тете-аға дәрiгер

ЖАСАННЫҢ «КУӘЛIКТЕРIНIҢ» СЫРЫ
Ж.Зекейұлының «Жас Алаш¬қа» өз жазғандарына дәлел ретiнде ұсынған “құжаттары” туралы мына жайттарды баяндаймын. Жасанның куәлiктерi дегенде, өкiнiшке қарай, ауыз толтырып айтарлықтай бiрде-бiр қағаз жоқ болып шықты. Ең жарамды деген куәлiгi – ғылыми қызмет атағын алған куәлiк екен. Қытайда әр кәсiптiң ғылыми қызмет атағы өзiнше басқа-басқа аталады. Мәселен: ғылыми зерт-теу саласының, редакторлардың, аудармашылардың, медиктердiң деген сияқты. Ал медиктердiң ғылыми қызмет атақтары: аға дәрiгер (профессормен теңестiрiледi), тете аға дәрiгер (доцентпен теңестiрiледi), жауапты дәрiгер, дәрiгер деп бөлiнедi. Жасанның алып отырғаны – yishi жай дәрiгер, яғни дәрiгерлердiң бастауыш атағы – ең төменгi атақ.
Жасан мырза газет ре¬дакция¬сына тапсырған екiншi куәлiк – ғылыми мақала куәлiгi. Мақаласының аты: “Хошимото науқасын қалқанша без иқуатының асқынуы деп жаңылыс диагноз қой¬ған бiр мысал туралы мәлiмдеу” екен. Бiрiншiден, ғылыми мақала куәлiгiн берген орын – Iле қазақ автономиялы облысының Күйтүн емханасы, ал куәлiкке “қытай медицинасы әмбебап емдеу орталығының” мөрi басылған. Сонда деймiн-ау, бiлдей бiр емхананың өз мөрi болмауы мүмкiн емес қой. Тiптi осы Жасанға байланысты интернетте жарияланған материалдардан емхана мөрiнiң нұсқасын да көрiп отырмыз. Қалай дегенмен басқа мекеменiң мөрi басылған бұл куәлiк – заңсыз құжат. Екiншi¬ден, халықаралық емес, мемлекеттiк емес, автономиялы райондық емес, тым құрыса аймақтық та емес, бiр аудандық қаланың емханасында оқылып үшiншi дәрежелi сыйлық алған мақаланы да “академик” болған адам мақалам бар деп малдана ма?
Жасан мырза газет редакциясына берген үшiншi “құжат” Шинжяң медицина университетiнiң кiтапханасынан материал қарауға және олардан көшiрме алуға берiлген таныстыру екен. Мәтiнiнiң аудармасы төмендегiдей:
«Сыртқы iстер кеңсесiне:
Бiздiң Iле облыстық аурухананың врач хирургi Жасан жолдас шетелде доктарантура оқып жатыр екен, қазiр Шинжяң медицина универ¬ситетiне келiп кейбiр материалдарды оқымақшы, ол Бiлiм беру комитетiмен байланыс жасап беруiн өтiнедi, сiздер көмектесiңiздер.
Қол қойған: Уаң Дыло
18 желтоқсан 1997 жыл
Шинжяң медицина университетiнiң сыртқы iстер кеңсесiне:
Iле облыстық аурухананың врач хирургi Жасан жолдас қазiр Қазақстанда ғылыми атақ алу үшiн оқып жүр екен. Зерттеу iсiнiң қажетi үшiн сiздердiң университеттiң кiтапханасынан материал оқып, қатысы барларын көшiрмелеп алмақшы, көмек-тесулерiңiздi сұраймыз. Материалдарды көшiрмелеу жөнiнде сыртқа қаратылғандары негiз етiлсiн, мемлекеттiң құпиялық сақтауға қатысты белгi-лемелер бойынша берерсiздер!
Шинжяң бiлiм беру комитетiнiң сыртқы iстер басқармасы
17 желтоқсан 1997 жыл».
Бұл жазбалардың ешқандай құжат еместiгiне дәлел керек болмас.
***
Жасан Зекейұлының “Жас Алаш” газетiнде жарияланған “Күншiлдiк – жазылмайтын дерт немесе М.Мыңжасарұлының мақаласына жауап”деген (“Жас Алаш” №28 11 сәуiр 2013 жыл) қарсы мақаласындағы бiлiм дә¬режесi жөнiндегi жөнсiз ақталуларына да тоқтала кетейiк:   “Дажуан – институт деген сөз. Қытайшасы — оқылуы (dazhuan/zhuanke xueyuan) – ұғымын М.Мыңжасарұлы арнаулы курс деп қате аударған”. Жоқ, Жасан мырза, керiсiнше, Мыңжасарұлы дұрыс аударған. Қы-тайда, адамдардың бiлiм деңгейi 6 дәрежемен өлшенедi. Олар:     Яғни дашө жоғары бiлiм (университет немесе институттарда оқу бiтiрген¬дер), даджуан ( орта дәрежелi арнаулы бiлiм беретiн оқу орындарындағы арнаулы курс¬тарда оқу бiтiргендер), джұң¬джуан (техникум, училище, немесе колледж бiтiрген¬дер) гауд¬жұң (толық орта мектеп бiтiр¬гендер), чуджұң (орталау мектеп бiтiргендер), шяушө (бастауыш мектеп бiтiргендер).
Даджуан дәрежелi арнаулы сыныптар техникумдарда, кейбiр институттарда да ашылуы мүмкiн. Тiптi ШҰАР-дың Қашқар қаласында даджуан дәрежелi арнаулы педагогикалық оқу орны да болған. Даджуанның оқу мерзiмi техникум сыныптарынан бiрер жыл ұзақ, ал институт курс¬тарынан бiрер жыл қысқа болады. Бiрақ бәрiбiр, даджуан сыныбын бiтiр¬гендердiң жалақысы университет бiтiргендерден бiр дәреже төмен, техникум бiтiргендерден бiр дәреже жоғары болады. Даджуан дәре¬жесiндегi бiлiмi барларға ең жоғары ғылыми қызмет атағы берiлмейдi. Өмiр бойы ғылыми жұмыс iстеген, Қытай ғылымы үшiн ерекше есе қосып, жаңалық ашқан адамдар болса, жоғарғы үкiмет орындарының құптауымен ғана жоғары дәрежелi ғылыми қызмет атағы берiлуi мүмкiн. Салыстыру үшiн бiр мысал келтiрейiн. Бiздiң “Көршi” журналының жауапты редакторы Сағидолла Әлиұлы Қытайда дәрiгер-хирург болған. Ол медицина университетiн бiтiрген, жұмыс өтiлi 33 жыл, ол жасаған операциялар жүздеп саналады, оның iшiнде небiр күрделi оталар да бар, Ағылшын тiлiне жетiк (АҚШ-қа барып докторантура оқитындардың емтиханынан да өткен), полиция бойынша шенi полковник. Сөйте тұра, алғаны аға дәрiгер емес, тете аға дәрiгер. Сонда деймiн ау, Жасанға түсiп қалған қайдағы ең жоғары атақ?
Бұларды мен неге айтып отырмын? Себебi мен 1983 жылдан 2003 жылға дейiн ШҰАР тiл-жазу комитетiнiң терминология кеңсесiнде жұмыс iстедiм. Онда академиялардың, басқа ғылыми мекемелердiң, жоғары оқу орындарының, баспасөз-ақпарат орындарының мамандарынан құрылған “Қазақ тiлiнiң атау-терминдерiн арнаға түсiру және бекiту алқасы”деп аталатын комиссия болды. Бiздiң мiндетiмiз — комиссияда қаралып бекiтi¬летiн атау-терминдердiң жобасын дайындау және мәжiлiс шақырып дайындалған атау-терминдердi бекiттiрiп баспасөздерде жариялау болатын. Сондықтан бекiтiлiп қолданылған әрбiр термин менiң қолымнан өткен деуiме болады. Қытайда жоғары оқу орындарында және деп аталған екi түрлi оқыту бағдарламасы болды. Жоғарыда аталған комиссияда бiз университет бағдарламасын толықтай оқып бiтiретiн -ны толық курс деп, ал оқу мерзiмi қысқа әрi оқыту бағдарламасы да жеңiл болатын-ды арнаулы курс деп аударып бекiткенбiз.
Демек, М.Мыңжасарұлының аудармасы – дұрыс әрi заңды. Ал Жасан Зекейұлының даджуан дегендi институт деп түсiндiрмек болғаны – бүйректен сирақ шығарғандық.
Тарихта мүлде болмағанын, саясаттың қажетi үшiн қолдан жасалғанын Пекин ғалымдарының өзi анықтаған “Түркi халықтарының ұлы ақыны Кехменер” дегендi Қазақстанға әкелiп,    ҚазҰУ-дың оқыту бағдарламасына, тiптi энциклопедияға дейiн енгiзiп жiберген Дүкен Мәсiмхан деген профессор шығып едi. Сосын, Анкара университетiне Қытайда үш айлық курста оқыған куәлiгiн университеттiң дипломы деп көрсетiп қуәландырмақ болған, Қазақстанға келiп қытай Ли Байды қазақ ақыны жасаған, бары-жоғы сегiз сынып бiтiрген Мұхтархан Оразбай деген ғылым докторы бой көрсеттi. Ендi мiне, Жасан Зекейұлы деген академикке кезiктiк...   
Ибраһим ҚОШҚАРИ.

已有 1 бағаكۇشى Жиналу 理由
كوشەلى -3

总评分: كۇشى -3   Барлығы баға

Rank: 5Rank: 5

Капитал
3789
التىن تەڭگە
134
тақырып
1462
Жауһар
2
Құқығы
70
كەسكىن
0
Торда болды
2496 сағат
жазылған 2013-4-23 20:13:01 | Барлық қабатты көрсет

Тым құрыса бір рет редәксяләп жіберсеңіз болғандай екен, оқимыз деп сақау болатындаймыз.
Дін-ақыл иелерін тікелей жақсылыққа бағыттайтын илаһи заңдар жинағы.

使用道具 Әшкерелеу

Капитал
-15
التىن تەڭگە
0
тақырып
10
Жауһар
0
Құқығы
0
كەسكىن
0
Торда болды
3 сағат
жазылған 2013-4-23 20:22:54 | Барлық қабатты көрсет

ازامات02  жағынан жолданған  2013-4-23 20:13
Тым құрыса бір рет редәксяләп жіберсеңіз болғандай ек ...

Түзетіп шықтым.

使用道具 Әшкерелеу

Rank: 1

Капитал
7
التىن تەڭگە
0
тақырып
7
Жауһар
0
Құқығы
10
كەسكىن
0
Торда болды
3 сағат
жазылған 2013-4-23 20:39:33 | Барлық қабатты көрсет

Оралмандар өстіп қырқысыңдар. . .  бірің өліп , бірің қалыңдар. . . недеген көкбетсіңдер. .   силасып жүрсеңдер   сыздауық шығама көмейлеріңе. . .

使用道具 Әшкерелеу

Rank: 3Rank: 3

Капитал
946
التىن تەڭگە
10
тақырып
909
Жауһар
0
Құқығы
30
كەسكىن
0
Торда болды
247 сағат
жазылған 2013-4-23 20:46:45 | Барлық қабатты көрсет

Жарайды .
Үйренсең білерсің,білсең игерерсің , игерсең істерсің . жалығарсың тағыда. . .

使用道具 Әшкерелеу

قىران

بوتاكوز

Rank: 5Rank: 5

Капитал
3948
التىن تەڭگە
424
тақырып
1855
Жауһар
2
Құқығы
70
كەسكىن
0
Торда болды
287 сағат
жазылған 2013-4-23 22:02:41 | Барлық қабатты көрсет

Әлі  түзелмепті. . .

使用道具 Әшкерелеу

Сайт төріне енгеннен кейін ғана жауап қайтара аласыз Төрлету | Жаңадан Тіркелу -جاڭادان مۇشە بولۋ

سايت ساناعى|قولفون نۇسقا|سەن - قازاق سايتى ( 新ICP备13003757号 )

GMT+8, 2014-10-21 11:44 , Processed in 0.070825 second(s), 18 queries .

Powered by Discuz! X2

© 2001-2011 Comsenz Inc.

Көтерілу